早幾個月,我立下一個目標,就係要我的BLOG要有1萬閱讀人數!
實玩左啦!
下一個目標係5萬閱讀量!
今日係2008年3月25日,2008年12月31日前,我要我的BLOG有5萬累積閱讀量...
靚仔的小馬哥,馬英九當選中華民國第十二任總統,好興奮吖!!!
我係佢FANS^^
最令我鼓舞係,十幾年前,我細個果陣,睇亞視既時事節目,唔知點解揾左D玄學家,去為宋楚瑜,馬英九,陳水扁算命,測算佢地可否成為總統!
陳水扁既測算結果,我就唔多記得,因為我唔中意佢,佢果時個樣,好多面油^^
但宋楚瑜,同馬英九就記得當時既測算結果係,佢兩個唔能夠成為總統!嘩...個陣,我聽到個結果都幾唔開心,因為宋楚瑜,馬英九當時既政績優異,竟然唔可以做總統!
之後,宋楚瑜參選總統又真係衰左,於是我更加深信個預言!
今日,馬英九當選台灣總統,終於打破預言啦!
原來無野係絕對架!
好人始終有好報,一樣有報效人民既機會!
馬英九總統努力吖!您流緊既係香港人既血,祝願馬總統可以連任,並為兩岸人民作出貢獻!^^
同大家分享一個小故事吧!
諸葛亮出師表,好有名,因為民族英雄岳飛睇完,咸到收唔到聲,好感動!
的確,佢既文章贊人熱淚,講到好慘,對佢皇帝又勸又成,如果我係佢老闆,我唔會批准佢出兵,佢出兵打仗理由唔充分!
講黎講去,都係站係自己國家立場講野!
孫子兵法名句,人人都識,係咩吖?
"知彼知己!"
我睇唔到佢既出師表,有講過對手既情況如何?
佢申請打仗理由好簡單,就係自己國家安定,可以出兵啦!
唔怪得佢六出岐山,打六次仗都失敗啦!
相反,我地既兵聖孫子,輔助弱小既吳國,一戰而勝強大既楚國!即係等於李澤楷以盈科數碼動力收購左百年老店香港電訊(電話公司)
人人都話諸葛亮打仗叻,或者戰術仲ok,戰略就差d,決定開戰既時間完全錯!
佢少少似d人炒股咁,攞住幾廿萬,試下試下炒,總之中意就炒下,搞到最後陰d陰d,d錢蝕晒!
相反,高手,唔會成日出手,係睇岩時間先出手,例如,股市大跌10%,搏反彈!
講返諸葛亮,當時既對手,根本實力雄厚,又唔係有咩突發事件發生左,佢就嘈住要咩北定中原,所以咪失敗lor!
諸葛亮既品格,我地要尊敬,因為佢明知會輸,都堅持出擊,但我地要吸引佢既教訓,最終結果係乜呢?佢咪病死五丈原軍營lor!
每逢做決定,除左諗下自己有無實力之外,仲要諗下對手,係咪真係咁易比你贏到呢?
講到尾,都係睇時機做野!咁就可以事事成功啦!
呢位係邊個呢?
就係開創唐朝盛世既唐太宗李世民勒!
佢有幾威水呢?
佢比四圍既國家尊稱為大佬!連日本仔都派留學生到佢既國家留學,學下大唐文化!茶道就係大唐文化既一部分,仲有日本人坐既拍拍咪都係大唐文化,而家既唐人街名稱,都係佢既國號衍生出黎!
對外就威到盡,對內呢,佢既國家又國泰民安,夜晚跨張到,可以唔閂門瞓覺,都無人偷野!(點解?因為個個都生活富足,又有教育,加上治安良好!)
佢有咁既成就,佢肯聽意見,而唔盲從得返黎!
其實點解要聽下人講野呢?
點解要謙虛呢?
你估真係去讓人,真係唔識野咩?
只不過收多D料,先作決定者!
近來,我發現,呢個世界,主要分兩類人;一類以為自己好叻既人,呢D人會成日講野;一類係高深莫測既人,呢類人係唔會主動講野(有機會識野,有機會唔識野!)
而我地方唔多洗關注第一類人,因為佢係咪都會表達一D野出黎,實聽到佢既聲音!
反而係第二類要花多D功夫,因為你唔知佢個心收埋左D乜,要好似太宗咁,任何時候都和頻悅色,先可以"乙水"到佢開金口!
其實都合理,因為,對件事有關鍵作用既諗法,通常未必岩聽,中國人就最鬼好人,唔會講衰野,除非知你係好大量,唔介意,先會袋錢入你袋!
所以如果想保持成功,有一番事業既朋友,比多D機會人講野,一定有著數!
