人人都話買樓收租,又話樓價升,又咁又話如此,講到發達靠層樓咁^^

 筆者認為,要做富人最緊要係咩吖?仲使問,梗係錢啦!岩一半錯一半啦!

請問有邊位一出世,個老豆已經係李嘉誠級既富豪呢?呢個級數難D,咁已經身家有千萬呢?可能有小部分朋友咁好彩啦!

咁老豆有百萬身家呢?可能多好多人舉手啦,不過係計埋層未供完既樓^^

咁個老豆無身家既呢?

應該都至少3百萬人舉晒腳^^

咁我地呢D 3 百萬人,咪註定要做普通人一世,跟住D子子孫孫重複自己既一生落去?如果閣下聽到灰晒,諗住下世投胎投好D既話,容許筆者借用"大決戰"電影入面,劉伯承元帥激勵佢一個手下將軍既一句話來為大家打打氣:"你摸下你褲浪仲有無野響度!番返你既指揮崗位!"

如果閣下係女性,SORRY...等筆者再睇多幾套戲睇下有無岩洗既對白^^

頭先講過啦,做富人最緊要有錢,問題係明明一出世無錢,又何來有錢呢?梗係借啦!問題一個人既CREDIT係有限既,普通一個打工仔,點借幾百萬番黎呢?

靠既係資產,有左資產就可以作抵押,借錢,投資...

買層樓,成百幾二百萬,一下子,同銀行借,每月還錢,都幾辛苦,租比人,減輕供樓壓力,但間屋又要維修保養...都幾煩...

但點解從來無人叫人買車位既呢?車位都有人租架^^

一個車位,都係十幾廿萬而已,亦係一個資產黎架WOR^^

儲一百萬係好難既事,十至廿萬比較易,有左十萬就可以做有資產既人啦^^

賽馬會既網址:

http://www.hkjc.com/chinese/index.asp

賽馬,有人話早就內定,點有得贏!

咁阿叔刨馬經做乜呢?

做乜要聽賽馬貼士呢?

凡事都有得計數既!香港賽馬有唔少過江龍揾食架!

以前香港都有一個馬神啦,不過自殺死左者...原來當年馬神,咁勁秋,係因為有人傳授佢"VIDEO FORM"

馬神佢,日日咁睇賽事錄影帶,填寫VIDEO FORM,從而揾出致勝馬匹!

後來有人替馬神出左一糸列馬神祕笈,售價一百元一本,筆者都有佢既祕笈,亦從中獲益不少!

從佢既書,筆者在19歲時,曾一個月賺左一倍既錢...

方法係點呢?

當年既暑假,東方日報刊登左多捷馬既資料!

筆者就用呢段資料賺到一千蚊!

如果,閣下打算來年就買呢D馬既話,SORRY...你唔會錢賺!

點解?係,佢地來年贏面機會大,不過賠率會低!因為多捷,就出名,人人都識,好易成為大熱門!

咁點好呢?

人人都知巴菲特係股神,如果能夠贏到巴菲特,甚至同佢接近既人,係咪都好勁先?

買馬都係同一道理,買D曾經贏過多捷馬,甚至謹敗既馬,自然勝出機會馬啦!

但係咁WOR,仲要經一個仲要做多一重功夫,就係要睇下呢D馬之後有無贏,同埋全年有無錢賺,例如買晒WIN既話...

就係用呢個簡單既方法...

筆者揀左十匹當年致勝靚馬如下:

1.全滿

2.君子

3.偶像

4.快快到

5.金龍華

6.一百分

7.日月神駒

8.奇珍異寶

9.神鑽金剛

10.過河卒子

其中金龍華及一百分係我受駒!

一百分,佢真係一百分黎架!^^

金龍華,可以好冷,係十幾廿倍跑個第一番黎!嚇死你!

呢個已經係2000年既事LU...距今已經係8年^^

一個小伙子,都可以從馬會掏金,久經馬場既馬迷,如果有做功課,小心分配資金,要贏實得啦!^^

外面落緊毛毛既細雨,與此同時,正有一個小偷比一個潮州怒漢咁既超市老闆擒獲!

筆者響街度聽到一個男人,大叫,叫乜,真係唔多知!

以為有人打架!

原來係有一個青年,帶住眼鏡,外表温文,著短褲,拖鞋,比一個中年男人,一手抓住件橫間條衫,動彈不得!

中年男人,係一間小型超市既老闆,然後一手拎住個電話,致電報警!

個青年人就話:"唔得比錢者!"

老闆:"出左門口啦!唔記得比錢!你都唔係第一次架啦!裝左你好X耐!"

正當老闆報警個陣,個疑人就乘機逃跑!

好在有個壯年男人幫手,將佢再擒獲!

就響度等警察既時候!

老闆係咁鬧個疑人!

一有人行過,就對人講:"上次將個罐頭擺響春袋度,已經放過佢架啦!仲黎,今次仲偷飲管!"

途人每聽到,都感到咋舌...

點解要偷野呢?真係物價咁鬼高,高到無飯開嗎?

盜竊係唔可以姑息!有得一次就有第二次,呢個就係一個好好既事例!

筆者都有兩次盜竊既前科!

但筆者天生富貴^^無人拉!

第一次,係好細過,響圖書館睇一本書,睇得入神,跟住邊睇邊行出圖書館門口,出左門口,行左一段路,先發覺,E....有D唔對路,本書好似未借!

自細,筆者爺爺教筆者要做一個老實人,於是諗都唔諗,就行番轉頭,入番圖書館補借本書(筆者強調,個警鐘係無響)大家知道嗎?D職員,對一個咁天真咁誠實既孩子,唔係讚賞,反而係有D古怪既笑容...

 長大後既筆者,有次在餐廳晚膳,邊食飯邊諗野,諗得入神,食完飯,梗係走啦,到筆者差一步要行出門口個陣,靈光一閃,好似有D野未做???

就係未比錢!

跟住筆者就行番轉頭,坐番原位找數!

有時,偷唔偷野,係咪真係咁易界定呢?

如筆者兩次親身經歷,真係已經係一個賊架啦WOR!

同埋,究竟我地既社會,歡唔歡迎誠實既人既呢?

學校教育,要孩子做一個誠實既人,事實,我地既社會比較偏愛精叻既人物,而老老實實既人,比人感覺庸碌!^^

老董,做特首時,成日都比人鬧,反而落左台,更受人尊敬^^

回想董特首任內,其實做左唔少野!

例如:8萬5一詞,又有邊個唔識呢?

母語教學,又有邊個唔曉呢?

問責制,強積金,自由行...

呢D名詞,全部係董先生任內所發明既!

佢治港成績係點呢?

都過去左LU,無乜好過!

反而佢既政策仍然影響住我地每一個人,無論你係打工定自僱,都要供強積金!

政府呢個新政時,我都係岩岩開始做野,唔知以前係點,只知一出黎做野,人工就係95折!

甚至,筆者仲諗天真到當D供款唔係自己既錢,因為都用唔到^^

傻人有傻福,因為咁,亂揀左保本既基金,發覺供既錢,幾乎無增長!

好在2003年,有筆者既上司教精筆者,立刻將D供款轉晒做高增長,大家都知2003年經濟有幾差,同埋,D股票幾平架啦,個吓都幫到唔少架!

工作接近七年,真係老闆一半,筆者一半承擔供款,而家個數都幾靚^^

一個月幾百蚊咁供,唔覺唔覺就有一筆錢架啦!有一個叫合理既回報LOR!

但筆者咁打賭,如果無強積金,而家好多香港人會完全無資產!

一個月幾百蚊,容不易用左吖!交通費都去左啦!尤其是而家物價標升!

當然,老闆都出左唔少力,係就係D錢,可以即刻用,但當計自己既身家時,計埋強積金條數,都幾興奮^^

感謝您---董特首!

可能有D人會話,我有個筆錢,擺在股票市場,賺得仲勁啦!

問題係股票市場有成功既人同失敗既人,偏偏成功比率係低得可憐!

點解?

因為大家仲係好年輕,好急去揾多D錢,愈多愈好,投入既錢愈少愈好!所以急於投機高風險,自然失敗機會高D^^

三國演義入面,司馬懿同諸葛亮對戰,大家唔會中意睇,因為佢地唔會成日打,事關佢地係睇準戰機先出戰!

尤其是司馬懿,手握兵馬多過諸葛亮,尚且會忍耐,倒轉黎講,佢唔多兵,反而會焦急求戰,諗住刀仔鋸大樹,爭取不合理既勝利!

兵多,自然有本錢同對手磨落去,只要固守都贏你啦!

正如投資,手上既錢,一定要係唔影響日常生活既錢,先可以作投資,因為咁個壓力會相對細D,唔會急於求戰!

"拿D囡比佢地搶晒;D錢又比佢地攞晒!咁明未?"唔記得邊套電影既類似對白LU...

大概係清朝時代背景,紅花會呢個社團,就成日想顛覆大清....

佢個總陀主係陳家洛,有睇金庸既看官,應該知佢係乜水^^

有次陳家洛同一個叔講:"為左民族大義,一定驅除韃奴!還我河山!所以加入紅花會啦!"

阿叔:"唔明吖!點解要反清?"

陳:"D清狗入左中原之後,D囡比佢地霸晒,又立晒我地D錢!如果趕走班清狗,D囡同錢就比我地攞番晒!明未?"

各位,大家清楚點解要反清復明啦^^

管理高低,唔係要識幾多管理名詞,而係可以將幾多管理名詞通俗化!

比得人管住既人,知識水平相對會低D,講得太複雜,真係會唔明!

所以唔好怪總陀主講得太俗!當然總陀主係出於民族大義既^^

孫子兵法云:'多算勝,少算不勝,而況於無算乎?"

老孫話打仗要計劃,計一計數,可以勝先打!而家筆者話打仗講計劃係多餘既...咁係咪筆者挑戰兵聖孫子呢?

筆者不會,好尊重佢老人家.

打仗前梗係要計劃啦...打緊個陣又點呢?

"忘記計劃,一直向前衝,衝!衝!"

睇戰爭片都係架WOR...D鬼佬軍官不停叫:"MOVE!MOVE!MOVE!......"(當然高八度,阿軍官都MOVE緊既^^)

唐朝名將李尉行軍以迅速著稱,從電視劇中,見到李將軍指揮軍隊時總會大叫:"崽小子!跑快D!"

打起上黎,真係講唔到咁多計劃,總之向前啦!可以前進就可以嬴架啦!

前進到表示計劃正確LOR^^

潮流講環保,減少用紙,同做生意既人講,你估個老闆會唔會睬你呢?

"老闆,環保吖,我地少D用紙吖!"

我諗個老闆會同你講:"哦"

"老闆,將張紙底面影印,可以慳到錢WOR!!!"

我諗個老闆,老虎都話:"咁快D全公司推行!"

相信,而家好多公司都會將D紙底面影印,甚至做得更好既情況,會將D廢紙(即D列印文件留起作影印之用)

有一次,筆者做五常法實習,去到一間公司,個五常審核主任問D員工

:"E...呢D文件,你地會點處理呢?會唔會攞黎做環保紙,再影印呢?"

答:"呵...唔會LOR,都係丟,寫字樓細,無位擺"

(其實都可以有好多,事關係D資料性文件,一個月至少有數千張)

大家一定覺得,嘩...丟都幾浪費!如果留用,都慳唔少啦...

環保之士最中意用慳幾多,黎說服生意佬支持環保架啦!

其實個間公司既員工,一D都唔浪費!

請問一張紙值幾多錢先?一毛錢罷?

儲起佢,要唔要揾地方擺?

擺既地方要唔要交租呢?

香港寸金尺土,攞黎擺D價值一角幾仙既垃圾做乜呢?

邊係做生意之道呢?

大家又唔好誤會,筆者反對用廢紙影印!

筆者好中意環保!

每件事都唔可以太極端既...

筆者公司唔會每月製造過千張廢紙,都係少少十幾二十張,有足夠空間擺,所以可做到又環保又慳錢既功效...

筆者近排十分關心資產既事情...

香港有咩股票,可以長厢厮守既呢?

筆者就諗諗下,打算去睇下:

1)東方報業(筆者屋企日日都買)

2)電視廣播(即無線電線TVB)(屋企人日日都睇)

-股息,一年派兩次,其中一次派成$1.XX,如果投入100萬元計,一年咪有2萬至3萬股息,約50年,可以取回本金...再睇股價,每年都升,好穩定,長期係穩而勝...

主要競爭對手有亞洲電視...業務有劇集....要買到TVB既生意,只需4萬蚊...

不過筆者要在股息好好的比較一番...尤其是同銀行股比...

3)佐丹奴

提起拿破崙,有人會諗起架义癃...

筆者就記起拿破崙呢位法國傳奇皇帝,當佢仲係一個小小的軍官時,受政治影響,遭當權者罷免一切職務...

只得20歲左右既拿破崙,失業啦!

仲要在首都巴黎,生活指水奇高既地方..

又要交租,又要食,樣樣都係錢!

受過專業炮兵訓練既拿破崙,係一個炮兵軍官,唔通叫佢轉行,走去做侍應生咩?唔係唔好,侍應生都係一份正當既工作,但筆者敢寫包單,拿破崙當侍應生唔會比當軍官好!

捉襟見肘既拿破崙,只好將自己心愛既歷史典籍出售,換取金錢過活...

歷史典籍就係拿破崙既資產,不過出售左呢D資產,唔會令佢有損失,因為典籍既知識已經響佢心度...

咩叫財務上富有呢?

負債叫窮嗎?咁全世界最窮一定係美國人,最有錢一定係中國人!

但生活水平岩岩兩國既人係相反,爭人錢反而生活富裕,有大把積蓄卻生活困苦...

關鍵係個CASH FLOW,現金流...有100萬積蓄又點吖?都不如100萬資產...有一間100萬既樓,可以收租,有100萬優質股票,可以收取股息...

總之筆錢係自己生長,唔駛你理佢,呢D乜叫做富有LOR!

點解汔車大王福特敢自跨,即使福特車廠無左,倒閉,佢仲係當時美國最富有既人呢?唔係佢錢多,係因為佢有引擎專利呢個資產,大把人願意借錢比佢東山再起啦,萬一佢破產!

讓筆者,以香港青年小富翁火燎森既話作結:"

富人不喜歡金錢,他們只喜歡資產,而資產往往亦會為他們帶來金錢;窮人只喜歡金錢而不愛資產,更喜歡以賤價將資產賣給富人(如股災時)."

 作者:岑皓軒的新聞

http://finance.sina.com.hk/cgi-bin/news/show_news_f2.cgi?type=focus&name=mk_warrant&id=450645

售價:$61.5

有意留言^^