今日,出擊恆指期權了!
我判斷09年1月傾向係淡,但唔一定中,所以學張松允咁,做1張合約,以試單形式出擊!
內心有把小小聲音話,再做多幾張吖,可以賺多D...但還是壓抑住...投機路上要成功,只有一樣野,就係做好風險管理...
而家,只係傾向係淡,但唔一定係必定淡,無野係必定...致勝關鍵係策略...
我判斷,恆指12月係難以跨越14200點的!
但如果彈到15000點繼續上試15700點最近高位,則要止蝕啦!如果突破14000點,則加碼,做多1張合約,去到13200點,就見好就收啦^^
卡麥隆21歲之前的履歷
他，1984年生（7年級）。同年，蘋果電腦推出麥金塔系統。
5歲，向人兜售自己的汽車畫作。
6歲，向鄰居兜售番茄。
8歲，寫信給川普。
9歲，以50美元和一部家用電腦，成立了第一家公司。
12歲，在eBay賣豆豆布偶，賺了5萬美元。
14歲，獲「年度資訊科技青少年創業家大獎」第二名。
15歲，獲邀赴日訪問，擔任日本企業發言人，並出版日文自傳。
18歲，高中畢業前，已賺進人生的第一個100萬美元。
19歲，擔任福特汽車經銷商的業務總經理。
20歲，新事業構想獲得創投公司允諾提供1000萬美元資金。
21歲，他的同儕還沒念完大學，他已創立過12家獲利的公司。
他，1984年生（7年級）。同年，蘋果電腦推出麥金塔系統。
5歲，向人兜售自己的汽車畫作。
6歲，向鄰居兜售番茄。
8歲，寫信給川普。
9歲，以50美元和一部家用電腦，成立了第一家公司。
12歲，在eBay賣豆豆布偶，賺了5萬美元。
14歲，獲「年度資訊科技青少年創業家大獎」第二名。
15歲，獲邀赴日訪問，擔任日本企業發言人，並出版日文自傳。
18歲，高中畢業前，已賺進人生的第一個100萬美元。
19歲，擔任福特汽車經銷商的業務總經理。
20歲，新事業構想獲得創投公司允諾提供1000萬美元資金。
21歲，他的同儕還沒念完大學，他已創立過12家獲利的公司。
"唔岩咪轉LOR,人生係要CHANGE,返工時間咁長,對住老闆多個屋企人,唔開心既話都幾大獲!無人需要一世打一份工格!"
以上係王維基與亞視員工開會時既講話大概意思...
我係好認同的,有人成日誤會,唔做野,等於唔工作!錯晒,人係唔可以無工作的!可以唔打工,但絕對唔可以唔工作!
打工不等於有意義,但至少代表工作中...至於係咪理想既工作呢?咁就唔知勒^^
美國開國元首華盛頓,辭任軍職後,佢唔係無所事事架,佢係返屋企,打理佢既莊園...呢個亦係工作...
退休?至不過係轉換舞台者...但身體唔運作,個腦好快老,人都老快D...
老人家弄孫為樂,其實都係工作黎格,照顧小朋友,係一件不簡單既事...如果唔係呢個世界就唔會有褓姆啦...
人係有選擇打什麼工,做咩工作既權利,但無唔工作既福利...即使有,都幾難活得開心...因為揾唔到意義,全世界既人都忙忙碌碌,為呢個地球運轉努力,而有人置身事外,無貢獻...呢類人係好辛苦,會覺得同呢個世界脫節,所以會比較短壽...
所以真係退休既人咪好快離開我地...
列根都係無做總統而SHORT左:P
如果佢仍在位,成日有事心掛掛,都唔得閒病...
某年某月某日,讀書讀到一小段仔話,好多富人,未發達,捉襟見肘時,已經捐獻了...
愈捐愈富有...因為有你先捐到...你愈唔捐愈顯示你無...
所以當時小弟,立刻主動聯絡樂施會,要求每月自動轉帳捐款...真係唔係好覺自己捐左錢...因為AUTO PAY...
仲記得,同個老友講,佢要捐多D,因為佢收入當時比我多...
我仲大佢,我地有能力,係應該要捐,因為呢個世界資源分佈唔平衡,第三世界D人,都係人黎架,又唔好搞到佢窮到餓死,事關,佢地頂唔順,咁點吖?
會發窮惡,到時,唔係你願唔願意比啦,而係人地透過戰爭,問你攞!
發展到咁,邊有人想呢?
與其係咁,不如幫到幾多咪幾多LOR!
幫D有需要既人咪即係幫自己...
同埋,每月收番黎份糧意義大好多...因為所得既金錢,唔單止係你個人享樂,而係幫助緊一D人,呢個係良性循環,咁有意義,咁就會落力工作,然後咪人工加多D,跟住收入咪愈多LOR^^
我有一個諗法,扮好人,扮扮下,你會信自己係一個好人,心地都會改變...
昨日,同老友食飯,收到風赤壁II就黎做,好期待...
赤壁I已經買左VCD珍藏起黎...
小弟好戰爭場面...
真正英雄只有戰場先有...
我喜歡三國,但談唔上係好精...
基本上,三國演義,我係無睇晒...
但入面既故事,我倒係熟悉...
點解呢?
因為呢個世界有雞精架麻...
比你背得出,曹操打過幾多場仗,劉哭過幾多次?孫權驚過幾多次?對閣下有咩幫助呢?
無論本書讀得幾熟都好,一切都係代表過去既事,知道原理比較實際...
例如,點解劉備要抖阿斗呢?
曹操赤壁之敗,為何要哭郭嘉呢?
孫權點解要向曹丕稱臣呢?
呢D先係值得去記既野....
咩馬超戰張飛,幾多百個回合...真係唔記黎都晒氣...
戰爭場面只能帶來視覺享受,真正實用性有限,打緊仗只係一個策略既執行,策略已經決定成敗,唔通中左計,都可以大勝咩?
美國一場金融海嘯, 推冧咗成個美國金融體系, 唔少有幾十年歷史嘅美資銀行, 短短1-2個月之間倒閉, 東窗事發之後, 大家執返Ｄ屍骸去研究, 至驚見佢地致命原因係偏離傳統嘅存貸業務, 玩緊高風險嘅孖展投機.
從起點嘅存貸業務到終點嘅孖展投機, 而家睇落去完全係偏離本業, 點解結局係發展到咁呢, 問題就出係“唔爭在”嘅習慣.
呢种習慣都出現喺你同我之間, 我哋通常有目標咁入去超市, 可能入去果時只想買包米, 之後又通常見到麵包, 橫掂都係, “唔爭在”買埋個包, 見到嘢飲, 又“唔爭在”買多幾 pack 汽水, 見到零食, 既然順面買咗咁多嘢 “唔爭在”買啦, 結果兩手fingfing 入去, 成車嘢推番出來, 唔單止令自己一抽二luc, 返屋企变成寸步難行, 仲要返到屋企至發現弊啦!!點解同之前想做嘅嘢偏離咁多? 次次係咁日日係咁, 失預算嘅一定係自己.
人都係咁, 有史為鑑, 聰明到好似三國時代嘅諸葛亮都有咁嘅習慣, 原本只係喺君主身邊出謀獻策, 軍師佢就真係做足100分, 點知“唔爭在”做吓說客啦, 又“唔爭在”守下城地啦, 又“唔爭在”帶下兵, 做埋將軍做Ｄ嘢, 最後連處罸卒仔咁少事都“唔爭在”要做埋,完全偏離自己所長, 樣樣做Ｄ, 一開始時明明係軍師, 最後睇返已經自己都唔知自己係乜lu , 結果做到諸葛亮吐血身亡, 蜀國嘅國力都一直有跌冇升.......................
做生意道理都一樣, 有位朋友, 只得22歲, 佢知道自己整得一手好食嘅豆腐花, 佢就集中發揮自己嘅專長, 喺旺角租間地鋪去賣豆腐花, 明知可以“唔爭在”賣下鱼旦, 明知 “唔爭在” 可以賣下雞旦仔, 佢都一於少理, 誓要精製世界上最好食嘅豆腐花! 結果佢贏咗開喺佢對面嘅老字號, 年紀輕輕就每月淨賺十萬! (遲Ｄ會喺節目出現)
幾多附近嘅鋪頭“唔爭在”賣埋呢樣又唔爭在”賣埋果樣, 搞到龍飛鳳舞,生意都只係非常慘淡, 原因唔係唔夠聰明, 而係喺不知不知不覺之間, “唔爭在”咁做一Ｄ以為冇乜成本嘅事, 鬼唔知做理ABCDE會好Ｄ咩? 樣樣加埋仲係咪之前冧到咁輕鬆? 係咪全部都做得好先?
人人專長唔同, 時間又有限, 分別你成敗唔係你可以做幾多樣嘢, 最大嘅分水嶺係你點樣有所為又有所不為, 將你最强果樣嘢做到捨我其誰, 唔好連少少引誘都受唔住, 以為“唔爭在”可以做埋, 呢度少少果度又少少, 只會令你負擔多咗, 而本身件事同個人都迷失晒, 驀然回首, 至發現因為呢Ｄ 唔爭在”嘅細 蟻嘢集腋成裘而拖垮就真係喊都冇謂。
按:
完全同意!
著名導演麥嘉先生,返香港創業時,有位高人教佢,你想掂吖?
第一:勤力--->已經贏5成人
第二:誠實--->呢個係美德,又可以再贏3成人
最後兩成人呢?真係好鬼勤力,又老實做事,總之擺明係做得野既叻人啦!
想唔想擊敗咪最後對手呢?
想?唔想?想...
呢位智者攞住支鉛筆,用擦膠個邊督佢,點吖?痛唔痛?
唔痛!?
然後,智者立即用刨左個邊,尖到你唔信既筆頭,在佢既手輕輕HIGH一下...
老麥眼淚水都標咪出黎!
第三就係集中!
及後,麥嘉先生既新藝城表現有目共睹...
而家既曾智偉,黃百嗚等...就係出自新藝城...
