我讀中學時,已經對易經好奇...對孫子兵法都好奇...

因為好多已在社會上有一定份量既人都話,呢兩本書好勁!

睇過下呢本書,我只有一個問題,呢兩本書有咩用?同埋點樣用?

其實呢兩本書咁經典,就算一個文盲都可能略知一,二...

例如:易經既九五吖,否極泰來,乾坤之類,大部人都可能聽過...

孫子兵法既知己知彼,攻其不備...

所謂古為今用,真係要演變下...鬼唔知知己知彼咩?問題係點去做呢?

孔子話自己學易之後,無乜點犯大錯...

就咁聽呢句話,會覺得易經勁WO,萬能WO...

但要留意一樣野,孔子六十而好易,一個已經六十歲既人,大部份人已經係頤養天年,少做事,多休息,又能夠有D咩大錯可以犯呢?

只要辦事,就有機會犯錯架啦!

每做一件事,總有變數,今日既資料如何預料未發生事呢?只有隨機應變既者!

易經,講左64個情況,386種可能既變化...事態發展係咪一定係咁呢?無人知,只係機會大多數係咁...