今日恆指跌-200點,報21299點,距離上一個結算日升+286點,以對稱波浪來看,現在仍未確定係升市,因為未突破前頂21768點(19SEP09),目前話係升市,係言之尚早,今日的回調係意料之內,因為昨日圖中出現下跌符號,看明天可否彈上了!如果明日突破前頂21499,可以偷步入市做好;以下穿上升線21299止蝕!

看到松哥演繹蔡鍔將軍,表達蔡將軍既愛國情懷,無私奉公既精神,令人熱血沸騰...

我雖然喜歡松哥演蔡鍔,但是看到松哥呢個角色,內心不禁發笑...

蔡鍔死時,只係34歲!

所以松哥所演的蔡將軍,應該是一個30歲出頭既年青將軍!

但松哥,至少近50歲罷?

至於海味演既小鳯仙,只不過是一個16歲左右既小丫頭,但海味也近40歲罷?

我好難想像,一個30歲既憂國憂民既年青將軍,會同一個16歲小丫頭擦出愛火花!相信只係後人將真實情況,加點戲劇性罷了...

 蔡鍔本身有兩個老婆,當然響果個年代係好平常,尤其是一代名將,兩個算少!其實蔡鍔係軍閥之中的其中一個而已,即係我地睇電視,成日做壞人果D"大帥"(光晒頭,肥斯大隻,郁D就話拉人打靶個D)

當然,蔡鍔係一個愛國既大帥...呢D無容置疑,否則何來護國運動呢?

從蔡鍔有兩個老婆呢點可以睇到,呢位名將,似乎未必一個咁重愛情既人,而佢同小鳯仙都幾肯定無咩愛情可言,如果佢地係戀人,咁鬼親切,何解蔡鍔出逃後,留在北京既小鳯仙會安然無恙呢?

相信小鳯仙可能當年,因為被蔡鍔既愛國情懷所感動(咁細個,入世又未深,又遇上一個大人物,當時蔡鍔係高官,相等於國務院入面一個部長,人都暈左,加上在袁世凱治下既社會,應該生活唔會好得去邊,同埋老袁份人,應該都臭名遠播,相信當年大把文人,寫臭佢個大名,咩竊國賊吖之類一定有!)

就係咁,小鳯仙,可能在蔡鍔當年既出逃計劃中,既其中,一小部分,係幫過佢,跟住小說家,就發揮想像力...英雄配美人!

因為好多已在社會上有一定份量既人都話,呢兩本書好勁!

睇過下呢本書,我只有一個問題,呢兩本書有咩用?同埋點樣用?

其實呢兩本書咁經典,就算一個文盲都可能略知一,二...

例如:易經既九五吖,否極泰來,乾坤之類,大部人都可能聽過...

孫子兵法既知己知彼,攻其不備...

所謂古為今用,真係要演變下...鬼唔知知己知彼咩?問題係點去做呢?

孔子話自己學易之後,無乜點犯大錯...

就咁聽呢句話,會覺得易經勁WO,萬能WO...

但要留意一樣野,孔子六十而好易,一個已經六十歲既人,大部份人已經係頤養天年,少做事,多休息,又能夠有D咩大錯可以犯呢?

只要辦事,就有機會犯錯架啦!

每做一件事,總有變數,今日既資料如何預料未發生事呢?只有隨機應變既者!

易經,講左64個情況,386種可能既變化...事態發展係咪一定係咁呢?無人知,只係機會大多數係咁...

但有一點都幾肯定,就算唔爆上去,都唔會瀑瀉到19000點以下!所以不宜做淡,做淡利潤唔大,而做好友,甚有機會搏到2-3000點的利潤!

但無可否認,短期淡友佔優勢,但相信唔會持久,如果好友能在20500築好碉堡,再往上突襲21000點,係指日可待既!

現階段,宜忍手,等待機會降臨,一日未攻佔20500,一日仍未能放心進攻!打破21000既城牆,就可以進入城中,大肆搶略了^^

跟住報導左獲得季軍既阿叔,佢既奶茶係天價!一杯成68蚊!同STARBUCK有得FIGHT!只有一張枱做生意,每次只可以坐8至10個人...

如果無乜HEART既人,一定響度計數!嘩...正吖,11元X1000杯=11000元!一日賺到,勁!68蚊一杯,賣到咁貴,都有幫襯!如果賣到148杯一日,都成萬蚊啦!

如果故事既人主人翁,係計咪呢D死數,相信10名都入唔到!

呢篇報導,我反而睇到一個好重要訊息!

兩位仁兄都係好敬業,好中意沖奶茶!當你中意一樣野,就會忘我咁做,兩位長者,絕對唔係為左個乜乜比賽去學沖奶茶!

只係自己既嗜好,一個偶然機會,無拿拿參加比賽,受到表揚!

你問佢地,突然士多仔,生意多左,興唔興奮呢?開心總會有,因為多左人,欣賞佢地所沖既奶茶!只要做緊自己中意做既野,已經係一種興奮!再有知音人,只係錦上添花,無乜特別!

但有錢人的祕密,我則無第一時間去訂,去一覽眾山小了...

因為,只要過多兩,三個月,我敢保證,各大書局有售,唔會賣斷市既!就算賣斷,仲唔即刻加印咩?江李教識我一樣好重要既野!

就係把握主控權!

我中意幾時睇呢本書就幾時睇!

首先,呢本書,你唔會一睇便成為有錢人...既然係咁,早睇同遲睇有咩分別呢?

我係欣賞兩個作者既思維方法!把握主控權,高低價值...

江李既權謀就是先勾你個魂,奪你個心,洗你個腦,再將你催眠(達到你希望既效果!)

效果持唔持欠呢?

其實都唔係咁重要...至少個人會開心過,過癮過...

劉備,曹操,孫權,佢地算唔算成功呢?唔算!

佢地只係做出一D效果而已!

佢地三個人當時係由低下層爬上去...打擊門閥,係逆當時潮流而做事...

因為佢地三個人有兵,有武力...門閥係一D顯赫家族,無兵,只有言論上,政治上既影響力,自然唔夠佢地黎...但三國歸晉之後,D門閥咪立刻嶄露頭角,影響著時局發展...

因為門閥係幾百年形成既,三國亂戰都唔夠100年,點可以摧毀一個潮流呢?

邊D係門閥?孔融家族就係啦...

三個英雄豪傑,運用佢地既個人資源,雖不能將潮流逆轉,但至少,佢地在世時,能夠有人生既控制權呢!

每次讀江李既書,又會再一次番返現實既世界,見到人性既真面目...

今次重讀,令我對'摸著石頭過河'有多一D既認識...

老老實實,邊有計劃係可以完美執行既呢?的確,人生充滿偶然,你真係唔知點解突然會有咁既轉機架喎?

易經全書,講衰野,佔左3/4,所以人生係唔開心既情況多過開心既遭遇!成就愈大,理論上遭受挫折會更大!

早前,睇明朝那事兒,講到燕王造反,係人都知燕王後來造反成功,做左明成祖,又派鄭和下西洋,都算係一個做得OK既皇帝!

但,佢造犯期間,連戰連勝,但自己既地盤並無擴大到...

期間,名將湧現,如盛庸,就係一個有力克制佢既一個後起之秀!

燕王響當時黎講,軍事上係無人能及!係一個唔係差既將軍!手下猛將如雲,本人也曾替佢老爸,朱元璋,打過蒙古鐵騎!

首次代表國家出征,兵不血刃,做到孫子所講既不戰而屈人之兵...老朱老懷安慰...

燕王寄望可以做皇帝,老朱寄望燕王可以替皇太孫,守衛大明帝國...

呢D咪係代溝LOR...

 燕王造反幾年,身邊一個一個大將陣亡...眾將士,由最初,滿腔熱誠...到開始誠惶誠恐!

梗係啦...造反,係要殺頭既!仲要誅九族...原本幫燕王造犯成功,大家就可以共享富貴...打左幾年既仗...愈打愈唔對路...

當年,就發生過,有將士唔肯再打落去既行動!

但,世事難料...NEVER TRY,NEVER KNOW!

響歷史長河中...如燕王般,有實力,有能力,更有軍力,也有魅力既人傑,不知凡幾,佢地有D如願以償,有D唔知佢係乜水!

因為歷史係由勝利者去講既...

要成就小事,個人力能可以左右一切;但大業,除左個人能力外,真係加D運氣!

任憑你勇冠三軍,萬人敵,終於由一個士兵,升到將軍,第一次帶兵打仗...意氣風發...點知....突然肚痛...跟手,唔知邊度黎左一記冷槍,度度都唔中,就係射中個太陽穴...

記載歷史既人,因為閣下出場次數太少,有太多勁人要寫啦,都懶得寫你...

人無遠慮必有近憂,都係想當然既!誠如李大師話齋...最緊要隨機應變(據說係何鴻燊講既,做老闆係無計劃,最緊要係隨機應變!)有九死一生既準備!

留心啦,係做老闆,唔係做打工仔^^

全世界都無計劃,呢個世界咪亂晒?

 大市終於突破2萬,而且守到2萬大關三天!

我比誰都興奮!

我感到牛市黎啦!

牛市黎又點呢?

5年前供既基金...

仲有強積金...

仲有少量在2008年買的股票...

水漲船高!

我個人願望,希望3萬點能在24個月內出現!

3萬點的出現,我所有資產就扭虧為盈!

對於目前的大勢...

我估計21253點會是短期的阻力位,再上一級便是23813點,能破之,則勢如破竹!

大市豈會不停升而不調整呢?

比d耐性等調整,不一定等到,也不一定等不到!

 記得大市在3萬點回落到2萬幾點時,火燎森大聲疾呼,絕不吸引!因為佢心中有個價,係17000點!

呢個係常識位,因為大市調位調整一半,就會反彈,當然今次係例外,因為仲繼續跌,去到最激的1萬點水平!

無在3月9日11300點水平入市,已經錯過有利戰機!現在入市,又在一個不利的戰機,岩不左一巴,右一巴嗎?

如果今個月去到19000點水位,調整必到!

何不到時才考慮從後淹殺!

現在入市,在今個月頂多2000點利潤,但到19000點,從後追擊,調整幅度,不可估量!人心虛怯,又講一大疊跌市原因,一個原因,大市由11300升到19000點,已經升左7700點,要抖一抖氣,獲利回吐,又話病毒擴下散,總之就有原因...我認為值搏率會高過現在中間時候!

當然可能不會出現這種情況!

而家唔出擊,頂多賺少左利潤,但不會高位接貨!元帥只打一場仗,仗唔洗日日打的!一個大好機會,一次就夠了!

何必追求一,兩個小勝利呢?

買賣重點什麼也不是,只是一個好價位!

中信泰富就係一個好例子,以為佢俺俺一息之際,佢大幅反彈!但佢係咪一隻好股呢?不知道,只知道在某個價位買入,已經獲利不菲!這就是順勢了!

一切,還看好淡角力了!

要否定這不是轉勢的話,此次反彈,必須衝破15900點!

要肯定是轉勢,也有條件,那就是先破14800點,再擊破14200點的話,基本上已確認11300的反彈浪已經結束,大市好有機會向下調整了!

第一睇看到呢個現實,實在接受不到自己既誤判!

而且仲突破了前頂14100點,我的信號位,對我暫時實為不妙...

花了許多時間自己對話...

一向深信的分析工具,已呈上升態勢...我仲可以講D乜呢?

只好順勢而為!

做番好友啦!

第一個目標是15300

第二個目標是15900

第三個目標是16100

今日啟動應變方案,心情輕鬆得多!

可以耐心等候見頂而追擊!

究竟今個月會否見頂呢?

上一個11000既反彈浪到15600點見頂,合共彈左4500點,歷時40幾日...

按此計算,由3月9日既11300點計,大有機會在今個20/4果個星期開始作出調整...

早前,統計過往循環,下一個浪底會發生在5月份,究竟統計會否實現呢?

一切有待觀察!

還是那句老話:

"保本金,獲現金!"

第一季既投資表現,1至2月還優於大市

我的投資1-2月表現:+28%

恆生指數1-2月表現:-14.27%

我的投資1-3月表現:-11%

恆生指數1-3月表現:-9.75%

哈...第一季跑輸大市添!

原來保持年回報在19%並非想像中易既^^

只好在第二季努力吧!

在基數低左的情況下,應該有不錯的反彈的^^

但相信到達12500點左右有一定的支持....

今日,淡倉終於開始獲利...

目前,真的難以判斷...但我偏向淡...

至少短期大市會有調整...

當然,如果大市一下突破13900點,我又會轉軚!

這是一場游擊戰!

今日戰況,戰線一度去到13300點,我好有意慾追擊!還是忍住!

過往的勝利,不是因為有勇氣,而是有耐心!

如果真是向淡,大有機會有反彈的...

現時的反彈不過是100多點...

還需要多一個反彈,才能確認這是下跌浪!

按理,由底位11300大幅颷升到13900點,合共2600點(+23%)

有點調整也不足為奇!

現在回落到13500點的水平,只是調整了400點而已,究竟會調整多少呢?還有什麼可用的信號呢?12500吧!

破此位,大有機會進一步下挫!

是的,現在是不明確,但當明確時,晚了...

耐心再多一等吧!

世事多可能吖!

13500與12500點,只有1000點距離...兩三日功夫便到位!

還看13900點有幾阻吧!

也看看13300點有幾支持吧!

還是那句老話:

"保本金,增現金!"

究竟如何判斷勢頭是向上定向下呢?

 一日未盅,也不知道大市現在是向上定向下的,其實不過是1/2機會而已,透過分析,只是將估中的機會提高...

有人話,秋官的戲上映,股市就跌...昨晚桌球天王上映了,果然遇上奧巴馬政府否決三大車廠既改革方案...

股市也大跌600點!

但真正能夠食到600點的人又幾多呢?

有,一定係有...

分析,其實一文不值,最重要既係適合自己的最佳策略!找到後,牢牢既抓住不要放,呢個就係致勝關鍵!

最近重看陶傑及王一平,有關魅力的TALK...

5年前睇呢隻VCD,仲係董建華先生(佢始終係特首,代表緊全香港人,我唔會叫佢做老慒董,建華之亂...)扛住香港呢頭家...

沙士亦剛好結束無耐...當時既大圍環境都幾唔樂觀....

我最記得,迪士尼黎香港,佢攞左唔少著數!

在我腦入面只有4個字:"喪權辱國!"

當局者迷,政府一心為振興經濟,創造就業,令香港更有特色,笑罵由人...

80/20法則提及過以下4種員工搞掂佢

聰明而勤力:中層主管

聰明而懶惰:高級主管

愚蠢而懶惰:錄用

愚蠢而勤力:解僱

董先生係第幾項呢?

事實上,迪士尼幫到香港幾多呢?

講番魅力,陶及王既解釋係...要有魅力,歸天既人最有魅力,魅力既魅字係鬼字傍麻...但掉轉黎講,好多人死左都無魅力既!果D咪叫死有餘辜...

今次重睇,原來仲有一個重點...

做番你自己就最有魅力...咩叫做番自己呢?平時你係點,咪就係點LOR...

投資策略亦係同一道理...人生大道理不過係咁者...耶穌話人地打你左邊面就比番右邊面人地打,你又去跟,仲試埋,梗係口腫面腫啦...耶穌係神,無人咁打架麻,佢講出呢句說話,人人都會話有道理,但係如果我地凡人講出黎...就恭喜你啦!你與神相距不遠了...

用番自己覺得舒服的投資策略,自然長揾長有...

要追求既唔係絶妙既分析...而係適合自己既投資策略...縱然未必得勝,也能活得輕鬆自在呢!

還是那句老話

:"保本金,增現金!"

我唔知佢作戰幾耐,但最少10年,我認識佢大名,係因為1998年,金融風暴...佢帶領量子基金沖擊亞洲...

傳聞1987年個陣,索羅斯睇好道指,睇淡日經...

所以買入道指,沽空日經...

點知黑色星期五,道指大跌,日經大升...

於是乎,大師索羅斯立刻止蝕離場...

點知,第二日,道指反彈,日經急跌...

許多出名投資大師都曾經破過產...

如日本股神是川銀藏...美國李佛摩...

而索羅斯曾經有三次幾乎破產...

係...係幾乎...

當然最後無啦!

運氣?

命運?

如果世上真有命運...或者真係罷?

索羅斯只有一條心法...

"生存落去!"

點先可生存落去呢?

勇於認錯!及早止蝕離場,整軍再戰!

可能止蝕係錯誤...但長期作戰,呢一課係必修課!